Me har gleia av å arrangera Vestlandsmeisterskap i Pitch and Putt sundag 16.08.09. Dei 5 beste frå denne turneringa vil få mogelegheita til å representera Golfparken under NM som kjem til å gå av stabelen ved Kvinesdal og Omegn Golfklubb, Utsikten Golfpark.

Meisterskapet vert avholde som rein slagkonkurranse, og det vert premiering til dei tre beste i kvar klasse.

Me kjem til å dela inn i to klassar, klasse A og klasse B. Klasse B vil starta klokka 13.00 og klasse A vil starta klokka 17.00. Verte det nok kvinnelege deltakara vil me også stella til ein eigen dameklasse, viss ikkje tevlar damene på lik linje med menna.

Turneringa vil verte spela etter FIPPA(Federation of International Pitch and Putt Assosiations) sine reglar for Pitch and Putt. Det ligg direkte link til denne regelboka på framsida av heimesida vår. Stort sett er reglane likelydandes som i golfsporten, men enkelte unntak er det.

• Blant anna er det kun lov å bruka 3 ulike køller i turneringar, der den eine må vera ein puttar.
• Ved utslag frå matta skal ballen peggast opp minimum 5mm.
• Ein har kun 4 forsøk til å komma seg inn på greenen. Viss ballen ikkje ligg på greenen etter 4 slag skal den flyttast inn og plasserast innanfor eit puttarhovud frå greenkanten. Dette gjev eit straffeslag slik at ein nå må putta det 6. slaget.

Pitch and Putt er kjempe kjekt og meget utfordrande. Det plar vera både spanande og artige turneringar. Me vil derfor oppmoda alle som har mogelegheit til å delta på denne dagen. Alt i alt har me plass til 72 startande.

Allereie no kan ein melda seg på til Vestlandsmeisterskapet. Ring, send ein mail eller møt opp i Kristtornskogen for påmelding.